Us ★★★½

-"جيرمايا ١١:١١ : سأجلب عليهم شرًّا لا يستطيعون أن يخرجوا منه ويصرخون فلا أسمع لهم" 


#Hands Across America: 
كانت حدثًا عامًا في 1986 ، حيث أمسك حوالي 6.5 مليون شخص أيديهم لمدة خمس عشرة دقيقة في محاولة لتشكيل سلسلة بشرية مستمرة عبر الولايات المتحدة المتجاورة، وتم التبرع بالعائدات للجمعيات الخيرية لمكافحة الجوع والتشرد ومساعدة الذين يعيشون في فقر.


-ماذا لو أسوء الكوابيس أصبحت حقيقة ؟ 

الفلم للأسف كان منحرق علي ف شفته بنظرة مُختلفة جدا وبسببها بعض الاشياء كانت مفهومة من البداية، الفلم قدّم اثارة ممتازة وتساؤلات تخليك تكمّل وتعرف أكثر عن الفلم، اللي عليه الجدل هي القصة ومفهومها صراحة فهمت الفكرة الرئيسية وتناولها بشكل رائع لكن الرمزيات الكثيرة ماراح تعرفها للاسف الا اذا تعمقت (البعض ما يهتم) وشفت ريفيوز اغلبهم يقولون فيه فكرة اعمق واشياء كثيرة مخفية لكن هم مو فاهمينها واغلبهم يقولون نفس المفهوم اللي فهمته من نفسي بالفلم (يعني ما استفدت كثير) لكن شكله محد يعرف المفاهيم الا جوردن بيل! وهذا شيء انا اعتبره سلبي جدا انك تترك المُشاهد كذا، لكن جانب الاخراج والتصوير كان ممتاز ولعب دور مهم، الساوندتراك والاغاني كانت ممتازة وحبيتها، وعلى مستوى التمثيل لوبيتا أبدعت جدا وايضا وينستون ديوك عجبني وكان ممتاز، اللي ما حبيته عائلة وشخصية اليزابيث موس كانت ثانوية بشكل ينرفز كان ودي اشوف جانب اكبر منها، ايضا الكوميديا بعض الاحيان تكون في غير محلها وتخرجك من التوتر (بالعربي كنت اقول مب وقتك) خاصة في قلب الأحداث، فيه بعض الاشياء لما تفكر فيها غير منطقية وتفاصيل تقول كيف وشلون وما اهتم الفلم انه يعطيك هذي التفاصيل واعتبره شيء سلبي، صراحة الفلم ماكان قد التوقعات لكن جانب من الرعب الجميل